PAMADLAKAN SIN BARAN - KAPARSAYAHAN SIN KAMAASAN

1     
PAMADLAKAN SIN BARAN

1.         Bang madlak in katiluagan sin Baran ta pa tuu, pa lawa,         iban babah taas, alamat makakitah kita mangih marayaw,         hambuuk baytah masuuk in kangi’an atawa ajal niya, harus       in maghallih.

2.         Bang (Gitung-gitung) sin ‘O’ in madlak, awn kakuyagan       sin atay niya atawa makabak hinang hikasanyang sin                 pangatayan niya.

3.         Bang Umbun-umbunan in madlak, alamat awn tao makasi     kaniya dumatung atawa laggu’un siya sin tao.

4.         Bang madlak in ‘O’ dapit pa tuu, alamat makaparuli                       kalabahan.

5.         Bang madlak in ‘O’ dapit pa lawa, alamat sung siya                       hinglawn atawa masakit.

6.         Bang katiluagan sin ‘O’ in madlak, alamat awn kakugan                 sin atay niya.

7.         Bang Tuktuk in madlak, alamat awn tao barkanan atawa                 dayahan lumasa kaniya.

8.         Bang Kilay pa tuu in madlak, alamat awn kakitaan niya                   makabubugah dumatung.

9.         Bang Kilay pa lawa in madlak, alamat makapagkitah siya               iban sin tao kakasihan niya.

10.       Bang madlak in higad Mata pa tuu dapit pa taas, alamat       awn kampung dumatung daing ha dugaing hulah duma             reziki hikakugkuyag sin atay niya.

11.       Bang higad Mata pa babah pa tuu, alamat awn katu’an         sin luhah niya atawa awn kasusahan niya.

 12.      Bang higad Mata pa lawa dapit pa babah in madlak,                     alamat makatangis atawa masakit siya.

13.       Bang madlak in ikug Mata pa tuu dapit pa taas, alamat       awn kampung dumatung daing ha dugaing hulah, hambuuk     baytah, alamat lappas siya daing ha sakit niya.

14.       Bang ikug Mata pa lawa ha taas in madlak, alamat                 makapagbaymata iban kampung makasi kakasihan niya.

15.       Bang ikug Mata pa tuu dapit pa babah in madlak, alamat     awn kampung dumatung daing ha dugaing hulah.

16.       Bang ikug Mata pa lawa dapit pa babah, alamat hinglawn             atawa masakit siya.

17.       Bang madlak in puun Mata dapit pa tuu, alamat masakit                siya.

18.       Bang puun Mata dapit pa lawa in madlak, alamat lasahun             siya sin tao.

19.       Bang lawm Mata in madlak, alamat makatangis siya.

20.       Bang lawm Mata pa lawa in madlak, alamat masakit siya.

21.       Bang Ilung dapit pa tuu in madlak, alamat lappas siya                     daing ha bahaya atawa sakit.

22.       Bang Ilung dapit pa lawa in madlak, alamat salamat iban       madauhat niya bang awn maksurun niya.

23.       Bang katiluagan sin Ilung in madlak, alamat awn kakugan             sin lawm atay niya.

24.       Bang Bigi Asum (Bayhuh) pa tuu in madlak, alamat awn                kasusahan tiyuh-tiyuh.

25.       Bang Bigi Asum (Bayhuh) pa lawa in madlak, alamat awn             kakugan sin atay niya.

26.       Bang Anak Taynga ha tuu in madlak, alamat makadungug             siya baytah marayaw.

27.       Bang Anak Taynga pa lawa in madlak, alamat awn                         kampung dumatung.

28.       Bang madlak in Pisngi (Bayhuh) dapit pa tuu, alamat                     makapanghamut-hamut.

29.       Bang madlak in Pisngi (Bayhuh) dapit pa lawa , alamat                 lappasan siya daing ha sakit.

30.       Bang madlak in higad Simud pa taas, alamat                           makapagsambunglaung mangih atawa makabissara mangih.

31.       Bang higad Simud ha babah in madlak, alamat                       makapagkalu atawa makabissara mangih harus hallian.

32.       Bang madlak in higad Simud babah taas, alamat marayaw              sajahitra.

33.       Bang duhul Simud pa taas in madlak, alamat makapagkalu              harus hallian.

34.       Bang madlak in Takuh dapit pa tuu, alamat                                     makapagbagay siya iban tao dayahan.

35.       Bang madlak in Takuh dapit pa lawa, alamat makaparuli               kapandayan atawa ilmuh.

36.       Bang katiluagan sin Takuh in madlak, alamat ma’awn in       kasanyangan sin lawm atay niya.

37.       Bang Liug dapit pa tuu in madlak, alamat awn tiyuh-tiyuh             hiluhalah.

38.       Bang Liug dapit pa lawa in madlak, alamat sajahitra atawa             salamat.

39.       Bang katiluagan sin Liug in madlak, alamat awn                             kakuyagan sin atay niya salamat.

40.       Bang Abaga pa tuu in madlak, alamat makaparuli altah,         sumagawah labay daing ha parsagga’an.

41.       Bang Abaga pa lawa in madlak, alamat awn tao magniyat               mangih kaniya.

42.       Bang madlak in Buktun pa tuu ha taas sin Siku, alamat                   awn kakuyagan sin atay niya.

43.       Bang madlak in Buktun pa lawa, alamat maka pagbaymata     iban sin kakasih sartah kugkuyag niya.

44.       Bang Siku dapit pa tuu in madlak, alamat makaput                         bulawan atawa pilak.

45.       Bang Siku dapit pa lawa in madlak, alamat awn tao lumasa             kaniya atawa lasahun sin tao.

46.       Bang gihtung-gihtung Pad Lima pa tuu in madlak, alamat     makaput bulawan atawa pilak atawa laggu’un siya sin tao.

47.       Bang gihtung-gihtung Pad lima pa lawa in madlak,               alamat makaput altah, pilak atawa bulawan.

48.       Bang ha unud-unud Pad Lima pa tuu ha taas in madlak,       alamat maka bissara mangih atawa mag-aru jawab harus           hallian.

49.       Bang unud-unud Pad Lima pa lawa in madlak, alamat           makatabuk altah atawa makaput pilak/bulawan.

50.       Bang Bakul Lima pa tuu in madlak, alamat dihilan siya sin     tao altah, hambuuk baytah masuuk in kamatian niya,                 Allahu’alam.

51.       Bang Bakul Lima pa lawa in madlak, alamat laggu’un siya             sin tao.

52.       Bang Tudluh pa tuu in madlak, alamat maka bissara                       mangih atawa parsagga’an.

53.       Bang Tudluh pa lawa in madlak, alamat laggu’un siya sin               tao barkanan.

54.       Bang Buku-buku gulamay Lima pa tuu in madlak, alamat     makabak parsagga’an atawa kalu.

55.       Bang Buku-buku Gulamay lima pa lawa in madlak,               alamat awn kalaggu’an sungun niya.

56.       Bang Jermanis dapit pa tuu in madlak, alamat maka paruli             altah sartah kugkuyag.

57.       Bang Jermanis dapit pa lawa in madlak, alamat makabak       altah atawa babae marayaw.

58.       Bang Abaga dapit pa tuu in madlak, alamat madawhat in               maksurun niya.

59.       Bang Abaga dapit pa lawa in madlak, alamat kasigpitan                 atawa masakit siya.

60.       Bang Taykud dapit pa tuu in madlak, alamat makapagbak             siya iban tao barkanan.

61.       Bang Taykud dapit pa lawa in madlak, alamat awn tao           jumangki kaniya daing ha parsababan panglagguh sin tao         kaniya.

62.       Bang Daghal pa tuu in madlak, alamat makapagdapat siya               iban bagay niya.

63.       Bang Daghal dapit pa lawa in madlak, alamat awn baytah               pakarayawan.

64.       Bang Duruh dapit pa tuu in madlak, alamat makaparuli                 altah.

65.       Bang Duruh dapit palawa in madlak, alamat                                   makapagdapat siya iban bagay niya.

66.       Bang madlak in Kid pa tuu, alamat lappasan siya daing ha               sakit niya.

67.       Bang madlak in Kid pa lawa, alamat awn kakugan sin atay              niya.

68.       Bang madlak in Tiyan dapit pa tuu, alamat datungan siya                reziki halal.

69.       Bang Tiyan dapit pa lawa in madlak, alamat awn tao                       barkanan lalaggu’un dumatung.

70.       Bang Hawakan pa tuu in madlak, alamat awn baytah                       marayaw dumatung kaniya.

71.       Bang Hawakan pa lawa in madlak, alamat makabak anak                atawa altah.

72.       Bang babah Duruh dapit pa tuu in madlak, alamat                         makabak altah atawa anak saleh.

73.       Bang babah Duruh dapit pa lawa in madlak, damikiyan in     baytah niya alamat makabak anak/altah.

74.       Bang ‘O’ atay dapit pa tuu in madlak, alamat kasusahan                 harus magpadoa salamat.

75.       Bang ‘O’ atay dapit pa lawa in madlak, alamat awn                       kakugan sin atay niya dumatung.

76.       Bang Pusud niya in madlak alamat makabak altah.

77.       Bang Pigih dapit pa tuu in madlak, alamat awn kapanawan             niya.

78.       Bang Pigih dapit pa lawa in madlak, alamat awn                             karayawan.

79.       Bang ha babah Pigih Bulih pa tuu, alamat awn magniyat               kaniya pa marayaw.

80.       Bang ha babah Pigih Bulih pa lawa in madlak, alamat aun     katitipuhan sin bagay sin asawa niya (usug) harus hallian.

81.       Bang katiluagan sin Pigih Bulih pa tuu pa lawa, alamat         awn hinang sin asawa niya hika dayyus kaniya.

82.       Bang babah Pigih pa tuu in madlak, alamat makawati             atawa makasuuk pa asawa niya.

83.       Bang Pigih Bulih dapit pa lawa ha babah, alamat salamat                in hinang niya.

84.       Bang katiluagan sin Kamamau in madlak, alamat                           makawati makasuuk ha babae.

85.       Bang madlak in puun Tiyan pa Pigih tuu lawa, alamat           maka asawa atawa maka hinang jina (haram).

86.       Bang Igut dapit pa tuu in madlak, alamat awn tao                           dumatung pa bay niya.

87.       Bang Igut dapit pa lawa in madlak, alamat tumattap                       kaniya in hinang niya.

88.       Ha unu-unu na katilu’agan sin Pa’a dapit pa tuu in               madlak, alamat makapagukat butas iban sin bagay.

89.       Bang Paa dapit pa lawa in madlak, alamat makabak               karayawan atawa awn tao duma ma’awn kaniya ha hika           kugkuyag sin atay niya.

90.       Bang Tuhud dapit pa tuu in madlak, alamat bahaya harus               hallian/maghallih.

91.       Bang Tuhud dapit pa lawa in madlak, alamat laggu’un                   siya sin tao.

92.       Bang Bitis pa tuu in madlak, alamat makapagkalu iban           pagkahi niya usug, bang babae iban pagkahi niya babae.

93.       Bang Bitis pa lawa in madlak, alamat makabak altah/reziki.

94.       Bang ha tungud Buku-buku Siki in madlak, alamat                         makabak kalagguan.

95.       Bang ha taas babaw Siki pa tuu in madlak, alamat awn                   reziki dumatung kaniya.

96.       Bang ha babaw Siki pa lawa in madlak, alamat sung-sung               siya masakit.

97.       Bang Pad Siki pa tuu in madlak, alamat damikiyan sung                 siya masakit.

98.       Bang Pad Siki pa lawa in madlak, alamat sung dumayaw in             pag usaha niya.

99.       Bang Gulamay siki pa tuu in madlak, alamat makadungug     pabaytah daing ha dugaing hulah.

100.     Bang madlak in Bakul Siki pa tuu, alamat kasajahitraan.

101.     Bang Bakul Siki dapit pa lawa in madlak, alamat awn             kasanyangan kakugan ha susungun niya.

102.     Bang Buku-buku gulamay siki pa tuu in madlak, alamat               makabak hinang marayaw.

103.     Bang madlak in Jermanis (Gulamay) Siki pa lawa, alamat     hipagbak niya in tao kimawah sin altah niya.

104.     Bang King-king (Gulamay) Siki pa tuu in madlak, alamat     awn karayawan sin maksurun atawa susungun niya.

105.     Bang gihtung Pad Siki dapit pa tuu in madlak, alamat awn     kakugan sin atay niya, atawa makapanaw siya pa malayuh.

i