IN TASAWWUF AMUNA IN E~BADAT,IN E~BADAT AMUNA IN TASAWWUF

Salam Alaikum Warahmatullah Wabaraktuhu,

Muna-muna in kita niyu nagpaguah hadja kitaniyu sin idea natuh iban sin ilmuh Kiyapangadjian natuh in tiyap-tiyap Ja-miat aun kanila panghinduh tartantu mabayah sila iban dih mabayah amu tuud yattu in kiyapanghinduh kanila.bang unu man in kiyapanginduh kamu amura yattu esab in hihinduh namuh.bukun in dahan sin kami magpugus atawa lugusun namuh in tao papaagarun namuh pa kabayaan sin kami bukuh biyattu.in mawkeep namuh ra esab biyah da esab sin mawkeep niyu amuna in wairuun piyawajeb kamu buat malaingkan magpasampay hadja.bang in manga katawtaimanghuran aun kiyapamung nila marayaw tungbasan sin Allahutaala marayaw.matampal in baitah sin tuhan halaum qur-an in tungbas sin marayaw marayaw.iban wairuun niyat nila pa mangih bang aun tao siyanglit nila.Gamman nangindua pa sila kaniyu katan iban in daakan sin sarah in papag-addatun kaw ha manusiyah matampal in hadith niya,iban sibo-sibo da kita niyu manusiyah amura in labi apdal pa tuhan amuin manga sila aun kabugah niya.mas marayaw bessarahan mu in tao dain sin paningaran mo sin bukun mapatut in pagyanun mu she~a Abu hassan Al-kupi bunnal san in kaimu Shea siya sumagawah bukun in maksud sin besara ko yattu in kiahindo kamu Shiea sumagawa lamud siya nakaiyan iban nakatag sin pagyanun tasawwuf
</script>tuan.mataud in naglumbah-lumbah tumag kaniya tasawwuf.sambil pa christian ini aun pag tagun nila tasawwuf iban sin manga yahudi.in kita Islam aun da esab katuh tiyawag sin ulamah sufi Tasawwuf Islami.makadjari mu batalun in tasawwuf kaibanan ayaw katan sa sukuh in miyayagad iban nag atap iban sin sarah niya in iyan saheeh.biya sin baitah namuh in tasawwuf ambuuk siya e~badat bang ha bahasa adakalah parduh,adakalah sunnat.bang kaw nakasambahayang lima waktu sartah bal jama-a nakapag tasawwuf kaw
tuan,tumtuma.bang kaw nakapag puasa sin bulan ramadhan in ikaw nakapag tasawwuf kaw iban sin kaibanan ibadat.damikyan bang kaw naka tunay sunnat nawa-fil miyamagad ha sambahayang parduh biyah da kaw nakapagtasawwuf bilang hikalasa kaimu sin tuhan mu rabbul-alameen.ibutang ta Shiea,sawkat Shiea mangih na ha pangatud mo.bang kaw eyan sin Shea hinang kaw marayaw.siyuma in lima sin maas mo,,unu mahukum mu pa in bessara niya mangih.aun baitah sin ulamah kawaa in hikmat mesan pa eyan in nagbessara kaniya tao ka-fer.allahua-lam.

Matampal in baitah halaum Qur-an bang unu tuud in maksud hangkan piyapanjari in manga e~pun niya sin mahasutchi Allah wairuun dugain magtag-epun kaniya.

Parman sin Allahutaala halaum surat az-za~riat ha ayat 56-58.

و ما خلقت الجن و الأنس الا ليعبدون,ماأريد منهم من رزق و ما أريد أن يطعمون,ان الله هو الرزاق ذو القوة المتين

Hati niya:

Iban bukun in maksud sin pagpapanjari ku jinn iban manusiyah buat malaingkan magtag_Epun kakuh,bukun in kabayaan ko hat aku demaak kanila mag-ebadat bat magha-jat ako kanila iban asupaya mapakaun nila aku.bunnaltuud in Allahutaala siya ra tuud in tuhan maghahanugharah rizzikih magpunyae kawasa iban makusog,

Maksud sin ebadat ha tapseer hi ibno katheer;

1-panapseer hi ibno Abbas in piyagbahasa magtag-epun kakuh wairuun dugain buat malaingkan asupaya sila makasuuk kakuh mag-eba-dat mabayah sila iban dih.

2-panapseer hi Ar-rabe~i bin Anas in piyagbahasa magtag-epun kakuh wairuun dugain buat malaingkan mag-e~badat sadja.

3-panapseer hi As-suda in piygabahasa mag-e~badat amuna in aun mag-ebadat magmunpaat kaniya aun sab wala nagmunpaat kaniya biyah sin parman sin Allahutaala ha surat lukman ha ayat 25 (bang mu sila ya!Muhammad asubuhun bang hisiyu in nagpapanjari sin langit iban lupah tantu tuud in sambung nila kaimo ALLAH)in ayat ini aun dain kanila nakapag-ebadat pag ubus nagmumpaat kanila aun da esab nakapag e~badat dain kanila sumagawah walah nagmumpaat pasal sin pag sirik nila.sumagawah laung hi Adiha~k in ayat nasabbut ha surat Lukman manunjuki ha manga tao bal-eman.

Behattu manga katawtaimanghuran in pagpatarrang sin Allahutaala mahasutchi mahabassal ha tungud sin maksud sin pagpapanjari niya hasabab sin pag-eba~dat piyapanjari niya katan piyapanjari di halauman sin dunya ini.bunnal tuud in pagyanun pag-e~badat amuna in manawheed sin katunggal sin Allahu taala,sartah mang-imunna~kun sin pagkatuhan niya,bunnal tuud in pag-e~badat amuna in magtaat sama~ta-ma~ta iban sartah sampulnah in pag-malillah ha aturan(minhaz)sin Allahutaala.

Jari niya sin parkala tungud pa tapseer sin pag ya-nun e~badat ha katiluagan niya ha maana niya sin E~BADAT,explin katuh sin agama Islam in kabayaan niya subay tuud hinangun mo in katan katiluagan sin kabuhi mu,in kidnut kahibal mu matawag siya E~badat.

Aun ambuuk riwayat,sabunnal tuud in manusiyah nakapamung sila:ya!kaw!daak sin Allah :yattu na minig in manga ahlu ad-duthuur(manga tao balkanan)iban pa tungbas nila(price).nagsasambahayang sila biyah da esab sin pag sambahayang namuh iban nagpupuasa sila biyah da esab sin pagpuasa namuh iban nagsadakka sila sin manga palabi sin manga altah nila.

Unu in kiyasambung sin Nabie Muhammad S.A.W.unu,bukun ka kamatauran piyaawnan da esab kaniyu sin Allahutaala in makapanarakka ra esab kamu kaniya?bunnal tuud aun ha tiyap-tiyap tasbeeh niyu sadakkah,iban aun ha tiyap-tiyap takbeer niyu sadakkah,iban aun tiyap-tiyap pananglit mu kaniya sadakka,iban aun ha tiyap-tiyap tahleel mu sadakka,iban sin mangdaaki sin hinang marayaw sadakka iban mangla~ngi pa hinang mangih sadakka,sambil tugsuk sin hangkatao dain kaniyu bilang siya sadakka,laung nila:ya!kaw daak sin Allahutaala:in hangkatao dain kamu ampa namuh kiyakattu in sha~wat namuh kaniya aun baha yattu makawah namuh kaniya pahalah? laung sin Rasulullah S.A.W:bang kamu in mamista sawpama biyutang mu in sahwat mu pa haram unu baha makabak kamu dusa nah,beha da hattu in hangtang niya apabila mu biyutang in sahwat mu pa halal makabak hadja siya pahalah.

Iban in rasulullah S.A.W.suntuuan sa taas-taas ha katan parkalah pag-e~badat wairuun in buhih pa siya in bukun niya nabunnal in manga jinisan sin pag-e~badat niya.dain naman pa sambahayang niya,papag-puasa niya,pag-hadji niya,ha pagkaun niya,pag-inum niya,pagbadju niya,pagbati niya,in kabuhi niya,bukan hat kabuhi hadja sambil pa kamatay niya biyugsuh na katan pa Allahutaala.

Iban in rasulullah S.A.W.suntuuan sa taas-taas ha katan parkalah pag-e~badat wairuun in buhih pa siya in bukun niya nabunnal in manga jinisan sin pag-e~badat niya.dain naman pa sambahayang niya,papag-puasa niya,pag-hadji niya,ha pagkaun niya,pag-inum niya,pagbadju niya,pagbati niya,in kabuhi niya,bukan hat kabuhi hadja sambil pa kamatay niya biyugsuh na katan pa Allahutaala.

Bunnal in baitah sin Allhutaala.

قل ان صلاتي و نسكي و محياي و مما تي لله رب العالمين,لا شريك له و بذالك أمرت و أنا أول المسلمين

Hatiniya;

Bunnal tuud in samabahayng ku iban sin pag-e~badat ku iban sin kabuhih ku iban sin kamatay ku karnah sin Allahutala tuhan sin katan A`lam,wairuun sakutu niya dain ha damikyan eyan,naraak niya aku iban aku in panagnaan Muslim.

Pagka amuini in Minhaz atawa aturan niya sin Rasulullah miyurul katan sahabat niya-iban sin manga ta~been mapuas dain kanila yattu iban beha da hattu esab in manga suffi miyurul da esab sila sin Minhaz ini.

Yare in daleel sin bessara ini:

يقول ألامام ابو ألقاسم القشيري :ان المسلمين بعد رسول الله-صلي الله عليه وسلم-لم يتسم أفاضلهم في عصرهم بتسمية(علم)سوي صحبة رسول الله -صلي الله عليه وسلم- اذ لا فضيلة فوقها,فقيل لهم,الصحابة,و لما أدركهم أهل العصر الثاني سمي من صحب الصحابة التابعين,ورأوا ذالك أشرف نسبة,ثم قيل لمن بعدهم ممن له عناية بأمر الدين:الزهد والعبادوثم ظهرت البدع و حصل التداعي بين الفرق,فكل فريق ادعوا أن فيهم زهادا,فانفرد خواص أهل السنة المراعون أنفاسهم مع الله تعالي,ألحافظون قلوبهم عن طوارق الغفلة باسم (التصوف)وأشتهر هذا الاسم لهؤلاء الاكابر قبل مائتين من الهجرة

Yatiniya:

Ha baitah hi Al-imam Abu Al-qa~sem A-l-qushaeri:bunnal tuud in manga Muslimeen puas sin rasulullah S.A.W.walah sila kiyanga-nan manga tao aun kalabbian nila ha jaman nila sin ngan(taga-ilmuh- bang bukun sahabat niya ra sin rasulullah S.A.W.wairuun makataas ha kalabbian nila yattu,aun baitah amuna in manga sahabat:hatatkalah nakaabut in waktu ikaru-a kiyangan siya amuin nakapag umban-umban iban sin sahabat niya amuna in manga Ta~been,iban ha pangitah nila in yattu sarayaw-rayaw itukduh kanila.mahuli aun baitah amuin mapuas sin manga Ta~been yattu aun dain kanila namamarihalh sin pakaradjaan agama; amuna in manga tao magpuh-puh sin nafsu ha dunya ini iban manga tao bal-e~badat,pag-ubus yattu limahil na in mag hihinang bedaa sambil nag daawa in manga kapirak-pirakan ha antarah nila,nah in tiya-tiyap tumpukan amuin pareek nagdaawa sila,sila in manga tao wairuun nafsu ha dunya ini,pagka na bihattu in kahalan,simihah ha katunggalan in AHLUS SUNNAT amuin piyaparihalah nila in manga ginhawa baran nila sartah nila in Allahutaala,sila na in manga tao hiyaayuput nila in pangatayan nila dain ha kaligapan sin dunya ini hangkan kiyangan na sila(TASAWWUF)sambil nag popular in pagyanun tasawwuf ha manga sila imaman nila dakulah b4 sin 200 tahun hizriyah,
Di ha baitah ini temaud in suy-suy tungud pa tasawwuf,ha tungug sin hakikat sin lapal ini sakira-kira ha bahasa arab iban sin kiyas niya pa istilhat niya,

Ha pangatud sin kaibanan amuin manga sila mag himumungan ha pasal sin kalima niya bang dain diin miyustak in tasawwuf kiyawah siya dain(da-ru as-sipat)siya na in ambuuk lugar pag -eebadatan amuin in kawnan niya magbaltapa maun pa lugar ini in manga jamaa amuin muslim miskin wairuun kailu kagug gagas asupaya sdja sila makapag ihtikap iban makapag-e~badat halaum niya.pag ubus in maga tao magtukbal kanila unu-unu na dirihilan dain ha manga sarakka pa pagkaun.pa altah amuin isut na ikatabang nila sin baltapa nila.pag-ubus in mnga tao yattu nag babaltapa dih na sila mag-usaha wairuun na halaum pikilan nila yattu bang bukun Tuhan na hadja halaum pikilan nila.

Jari niya.in Agama Islam wala niya kiyabungsihan in maglanuh kaw sin ginhawa mu,iban magsutchi sin niyawa mu,sartah ukabun mo in atay mo iban pikilan mu bang biyadiin in kakawasahan sin Allahutaala amuin hiklad niya in ayan maluag mahunit mu abutan sin pamikilan iban dih mu abutan sin mahripat mu karnah dih mauurul bang hawnu in puunan iban duhulan niya sin universe ini.

Adapun in tasawwuf hakiki-amuna in manga sila nakabutang in darajat nila ha panagnaan sabab sin pamaugbug nila sin sarah sin Agama Islam,

Ha baitah sin Al-imam GAZALI,R.A:

Adapun in tareeka labayan bang biha katuh sin tasawwuf wairuun dugain bang bukun magluas lungsad sila sin ginhawa baran nila,sartah mabayah sila mataktak in manga kasipat-sipatan mangih yaun mimikit ha ginhawa baran nila iban sartah in kabayaan nila wairuun dugain in na-sugpat iban sin piyapanjari sartah bugtuh na kanila in parsugpatan ha unu-unu na loon sin dunya ini wairuun na halgah kanila,amuna hadja in tiyutudju nila yayaalup in kahalgahan sin mahasutchi Allah,mesan pa behattu laung sin Imam Gazali nadawhat muna yattu tumtuma in kawnan sin Allahutaala siya ra in tuhan amuin nagbabayah-bayah sin pangatayn sin e~pun niya,iban siya ra esab in tuhan nag hihidjatul kaniya sabab sin sahaya kiyarihil kaniya amuna in sahaya sin ilmuh.

In manga in piyapanjari sin ALLAH makakusug pag-eman iban sumung in tuyuh mag-ebadat kaniya ha manga sila kiyalasahan na sin tuhan.angkanna nagparuntungan na in manga sila amuin naghugas sila sin pardusahan nila dain ha lummih sin kakufuran iban sin kasirikan.

Itukbal namuh kaniyu magbalik in pagsukul sartah hidayatan kitaniyu sin Allahutaala pa ran mabuntul amuin mara natuh mag lungdan panun in manga kanabie-nabihan iban sin manga Nagsasabunnal iban na sin manga sila naparang sabil ha ran niya iban sin manga tao marayaw biyah na sin manga manuntut ilmuh,mag-eebadat.maghihinduh,iban sin kaibanan pa,ameen ya rab a~lameen.

Kiyawah namuh in kitab ini ha kitab tassawwuf Islami kan Shiek Arjun,iban ha kitab Al-usul sufi Ahmad bin dimyatt,in nagtahleep kaniya hi doctor.Shaban Muhammad Ismael.ambuk siya sauragal sin Islamic Law ha Ja-miat al-azhar.