PANGADJIAN DAIN HA HAMBUUK BASO KAHAWA

Makawah pangadjian dain hambuuk baso kahawa
kahawa unu yan??...... bassahun ta naa...

Ustaz : Hinangi ba kita utoh 2 baso kahawa para katuh 2 sadja ayaw mu man  butangi sukal.

Murid : Huun Ustaz.

Adapun, hangkaraih pa dimatung na in kahawa hinang sin murid diyuhal na pa Ustaz.

Mapasuh pa iban in sukal biubutang niya ha dugaing baso

Ustaz : Inum naa kaw kunuh aymu naa sukali,  maunu tah in nanam niya?

Murid : Mapait tuud Ustaz grabe!

Ustaz : Butangi kunuh sukal hangka suruh sadja bang maunu in nanam?

Murid : In nanam niya biyah kimuh na in pait, Ustaz.

Ustaz : Sunui pa kunuh hangka suruh sukal ampa mu kinami bang unu na in nanam?

Murid : Taga limuh limuh na hangkataiyuh Ustaz.

Ustaz : Sunui pa kunuh hangka suruh sukal bang maunu in nanam?

Murid : Taga limuh na Ustaz kananaman na tuud in limuh niya.

Ustaz : sunui naa balik hangka suruh sukal bang maunu in nanam?

Murid : Wayna kananaman pait, limuh dakuman in kananaman.

Ustaz : Sunui pa kunuh hangka suruh sukal bang maunu na in nanam?

Murid : Nakalanduh na tuud in limuh niya Ustaz.

Ustaz : Sunui naa ba hangka suruh pa sukal ampa mu inumi?

Murid : Maa- limuh na tuud Ustaz, naig na in sarap niya

Ustaz  : Sunui pa balik hangka suruh sukal?

Murid : Wayruun na nanamun kahawa, Ustaz, duun in sarap niya bang mu kananaman in pait iban limuh bang inumun.

Ustaz : Tumtuma, in pangadjian makah ta diy bang mu kananaman in pait sin kahawa ibarat kamiskisnan bang mu kananaman in limuh sin sukal ha kahawa ibarat sin kasanyangan ha kabuhih mu. Bang ha pikilan mu unu bahah in pagtawagun Kasanyangan sin kabuhih ta? 

Natahammul in murid kanya, Ubus ampa siya namissara.

Murid : Ustaz, ampaku kiaingatan bihayaun bang biahdiin in kasanyangan ha pagkabuhianan ta in pagbiy kapanyapan subay dasab sarangsangun jukup na amun kalalagihan na sadja subay dih magpalabilabi.

Ustaz : Marayaw na utoh, in kahawa kaina amun waypa sukal pagpalamura kunuh iban sin     kahawa taga sukal na yan pagpalamura kadua baso, amapa kita minum karua-rua

Iyagad sin murid in daakan sin guru niya.

Ustaz : Nah biahdiin in nanam niya?

Murid : Masarap,grabe in sarap Ustaz.

Ustaz : Bihan dsan bang awn altah mu labi in dayaw iban sin sarap bang mu              pagsawsawhan iban sin tao masigpit in pagkabuhianan niya.

Murid : Magsukol ha pitawa mu iban nasehat  mu Ustaz.